ابو ذيات بقلمي المتواضع

عراق الخيرليش اليوم ينظام
ماشاف العدل فد يوم بنظام
يدولاب القهر بهداي بنظام
من تفتر على الوادم خطية

مالوم الوكت لو راد يجفي
عبنه تعلمت عالطم جفي
اذا حتة الاخو عن خية يجفي
مالوم الغرب تكلب عليه


وسفة علا الوكت بذات خوان
جفوني اليوم جانو امس خوان
موش من الغرب جروح خوان
وسفة على الاخو ياذي خوية

يميزان الحزن يالمال جفاك
على خدود اليتيم شرسم جفاك
شمالك يالفرح طولت بجفاك
دمر لو بالحلم واحسبهة جية


جم دوب الصبر لاوين حدهة
سجينة عمة بالكلب حدهة
حدهة اليوصل لصبري شحدهة
جزيته الصبر وعبرت المنية


بقلم درة الكوفة