شوفو اسمائكم موجودة

ابوذيات بأسماء شباب وبنات ... لحك شوف اسمك موجود

أبوذيات على أسماء الشباب والبنات .. . يا رب تعجبكم أحبتي .. ملاحظة :
إلي ما يلگه اسمه أو الاسم إلي يهمه يقدم طلب وننظر بقضيته !! هههه

افراح ...

بدونج ميتم الدنية .. بلا افراح وفركنه الراح من بعدج .. بالف راح أموتن ما أعيش آني .. بلا افراح لان أفراح روح الروح هيه
أنسام ..
أبد ما فرط بحبهه .. ولا انسام التعطر ابريحهه الدنية .. والانسام روحي وكل نبض كلبي ..... ولأنسام كل حبي وحنين الشوك بيه
ايناس ...
كلبي ايفور وايرفرف .. على ايناس وطير الشوك كل لحظة .. علي ناس وكل شوية تتوافد .. علي ناس تريد انساهه لكن مو بديه !!
تبارك ...
يسبحانه العلي الخالق .. تبارك أبدع حيل من صوّر .. تبارك أسمع روحي لكليبي .. تبارك لأنج يا تبارك صرتي اليه
سارة ...
عبيد احنة الج كلنه .. واسارة خطر دربج عرف كلبي .. وسارة اهيم وذايب بسارة .. وسارة منهه تغار حته الحور هيه
شيماء ...
امضيع جني من تبعد .. لشي ما واصيرن شي جمر يحرك .. لشي ماء كلبي والنبض كله .. لشيماء لان هية الحياة بالنسبة اليه

أحلام ...
نخيل ابلادي من خدج .. بلح لام وجمالج ماكو ابد مثله .. بالاحلام رهيبة وقاتمة الدنية .. بلا احلام وبلايه اعيونهه الدنية رديه
أحمد ...
وحك رب العرش .. واحمد أشكر ربي انا كلساع .. واحمد لأن خالق الي مخصوص .. احمد حبيب وعاشك ومخلص اليه
ارجوان ...
بدنيتي الاجمل أجزم .. ارجواني رقيقة ولون خدهه .. ارجواني قسمتي اتصير هيه .. أرجو آني واعيش اوياها قصة عاطفية
أزهار ...
الأمل خضّر بعمري نمه .. وأزهر ودنياي اصبحت جنات .. وازهار أحلم جنت طول العمر .. بأزهار وهسة ازهار تغفه إبين ادية
أسراء ...
كلبج ما يحن مرة .. على اسراه وكلبي شوي تقدمينه .. عله اسراه لان حيل انتهه وذايب .. عله اسراء وكلب اسراء ابد ما حن عليه
أسماء ...
امنشوفن ظل بعض ظلهه .. ول أسماء أتيه بكل معانيهه .. والاسماء حرت لا نار ملمسهه .. ولس ماء لا هيه وهم لا صدك هيه !!
اشواق ...
تعالي ارجوج ما نكدر .. عالاشواق انادي بصوتي وبكلبي .. على اشواق ذابت والخجل كله .. عله اشواق والاخديدات صارن مزهرية !!!
أصالة ..
كلج ذوق يا حلوة .. واصالة يحلمي الدوم اتمنه .. وصاله يريت وننجمع آني .. واصالة أنه بحبهه ملك والتاج هيه
امال ...
احبج مو لجل جاهج .. ولا مال لكن بيج شفت الحب .. والآمال كلبي وعقلي وي روحي .. ولآمال كل شعري وكلامي وكل بوذيه
أمل ...
حبيبة وصاحبة وهيه .. ام إلنه وهية بهالحياة تبقه .. أملنه أحن ابنية بالعالم .. أملنه وانه بطيبتهه أبد ما مرعليه بيه

ايمان ...
عله ايساري الحزن خله .. وعالايمان ورغم ظلمه الوكت اصبح .. علي مان وحق ربي الكلب ينبض .. على ايمان وبلا إيمان متظل روحي بية
برهان ...
رجاءاً عني لا تبعد .. يبرهان خناجر بالكلب بعدك .. وابر هان تريد اثبات من عندي .. وبرهان باوع حالي .. شوف شصار بيه
جيهان ..
أروحن للسمة وارجع .. واجي هان أدعي الله باعز خلقه .. وجيهان بمحمد وبعلي اجمعني .. وجيهان لان جيهان كلبي وروحي هيه
حسن ...
بطلن منه عوفنه .. حسّن بس اليه وبس إلي يبقه .. حسن بس ما بي شين حط الله .. حسن بس وفي ما يوم مر .. ما مرعليه
حسين ...
مصايب فركته وبعده .. بلة حسين العمر لا ماله كل قيمة .. بلا حسين واذا ما صار قسمتنه .. بالاحسين انفط روحي واحركهه بديه
حيدر ...
ادنج وانحني اجلالا .. واحي دار بيهه اختلطت اشواكي .. وحيدر بجاه المصطفى الهادي .. وحيدر أريد امن الله حيدر يصفه اليه
خالد ...
تظل انت بكلبنه اتعيش .. خالد ولا عنك يزل فد يوم .. خالد كلبي لا تظن للنوم .. خالد وينبض الك صدك مو اليه
دعاء ...
لمحبتي ادعوج مخلص في .. دعائي ولجل يهديج ألحـّن في .. دعائي رجاءاً لا تصديني .. دعائي يالحبج سكن كل ذرة بيه
راضي ...
حبيبي هواي يزعل .. وآنه اراضي ويمر كالنهر بيه .. وآنه اراضي يقسه هواي ضدي .. وآنه راضي واحس راضي الكلب والروح بيه
رجاء ...
عندي اوياج يا حلوة .. رجاءين تحبيني وتخلصيلي .. رجاءاً لأن لا ماكو بالدنية .. رجاءين رجائي انتي ومناي وكلشي اليه
رشا ...
حلكهه ابوسة من عدهه .. رشانه ونفسهه باعبق اعطوره .. رشانه أرق محبوبة بالدنية .. رشانه بجمالج ما شفت والجاذبيه
رويدة ...
كولي لشوكج ايهدي .. رويده وكلبي بشوك من حبكم .. روه ايدة اعز محبوبة بالدنية .. رويدة وبلياها الحياة تصعب عليه !!!
زهراء ...
يجينة أموردة وتزهي .. يزهراء يأحلة ابنية بالدنية .. يزهراء بجاهج يالزكية انتي .. يزهراء ردت زهراء قسمة اتصير اليه
زينة ...
جميلة امعدلة وحلوة .. وزينة واظن للدنية اهي البهرج .. وزينة الحياة بدونها وحشة .. وزينة طعم وعطر للدنية الهنيه
سالم ...
أغرب قصة قصتي آني .. وسالم وحلم ألمس اديه مرة .. واسالم يربي ايعودلي غانم .. وسالم واريد تحفظه من شر كل رديه
سامي ...
تظل مثل النجم عالي .. وسامي يالحبك فخر واصبح .. وسامي أعشكه واعشك اعيونه .. وسامي يتنفس محبتي ايموت بيه
سحر ...
وجهه بنور وبحسنه .. سحرنه نهار وليلنه بذكرج .. سحرنه ملاك وتاج كل حلوة .. سحرنه وتعيش بروحي والوجدان هيه
سعد ..
فرحنه اهواي بيكم .. وانسعدنه وترة التعذيب منكم .. ونسه عدنه سعد عمري وحياتي .. وان سعدنه طلب روحي اقدمهه هديه
سعود ، سعد ، سعيد ..
دكافي ارجوك وارجعلي .. وبسعود بدونك بس جلد باقي .. وبس عود أهيم وغارك بحزني .. وابو سعود نايم بالعسل ما يدري بيه !!!
سلمان ...
أنشد كلبي لو روحي .. وأسل من ؟ عنك وانته الامعدل .. وسلمان عيونك لو علي نظرن .. وسلمن أموت وأنحيي بهاي التحيه
سماح ...
سماح انتي كلب كلبي .. سماحي اجرحي اكليبي واضمنلج .. سماحي لجلج ما يظل بارض و سما حي وأموت الدنية اذا غثتج هيه
سمارة ...
السفن غركها كلهه .. يم سمارة وتضيع البيض كلهه .. يم سماره اريد بربي أحلفج .. يم سمارة وحمتي ابيش من جبتيهه اليه ؟؟؟
شامل ...
ملك كل الحسن هالزين .. شامل وتدمير الجمال البيه .. شامل رمت روحي بسهم يا ناس .. شامة الـ ... غفت فوك الشفايف كصت بيه
شهد ...
أنا والروح واكليبي .. شهدنه أروع ساحرة الحلوة .. شهدنه اما تدرين بالفرحة .. شاهدنه يوم الشفنه شهد الشاعريه
صادق ...
غيرك لا تظن اهواى .. واصادق وعلى هذا الكلام ابصم واصادق أحب ثنين صح ، صادق .. وصادق وصادق سو ابد ما حاسبيه
صالح ...
يزعلني واروح آنه .. واصالح لأن حبنه نقي وطاهر .. وصالح أحبه اهواه من كلبي .. وصالح يحبني وكلبه ذايب ذوب بيه
صبا ...
جميلة وبالجمال انتي .. صباآية يتاج ومعتلي روس ال صباية يريت ايعود وايردلي .. صباية واعلمج كل أصول الجاهلية
صفا ...
جسمي عود من بعدج .. صفا بس درحميني ردت وصلج .. صفا بس اموت وانتي صدكيني .. صفابس تلمسيني حياتي اترد اليه
صفاء ...
شعندي بدنيتي غيرج .. يصفواي يروحي وراحتي وسعدي .. يصفواي يبلسم جراحي اذا ضيمي .. يصفوي زماني وتتفق كلهه عليه
طارق ...
مشيت بكل طريق انته .. وطارق وبيبان المجد كل يوم .. طارق مضرب للمثل بالطيب .. طارق وفي ومابيك ذرة من الرديه
طيبة ...
يعطر العطر والعنبر .. وطيبه يحلوة ونازكة ووردة .. وطيبة اذا هالروح عافتني .. وطيبة لمس تلمسني روحي ترد اليه
عادل ...
أنه اشما قارنت بيهم .. واعادل أشوفه اجمل وأرق الناس .. عادل جميل وناضج وراقي .. وعادل وفوكاهن حنين ويوفي اليه
عامر ...
رغم وكته صعب جدا .. وعامر لكن كلبه بس بالخير .. عامر أموتن حيل باوصافه .. وعامر يحبني وكلبه ينبض بس اليه
عذراء ...
كلبج لو قسة اتحمل .. واعذرا لأنج باهرة وطاهر .. وعذراء اذا كلبي وكف نبضه .. وعذراء نظر تنظرلي نبضي ايرد اليه
عطارد ...
البخيل الـ( للكريم ) اهوه .. عطاهرد ورجاءاً لا ترديني .. عطارد كوكب بالسمة وعالي .. عطارد ومنج اقرب آني اشعر اليه
علي ...
اعوفه شلون واتكبر .. عليه لا وروحي ابدونه احسنهه .. عليله مثله ماكو بالدنية .. علي لا وفي وكله حنان وشاعريه
غالب ...
علينه الشوك متسيد .. وغالب هم مغلوب انه بحبك .. وغالب ثمين هواي عدنه انته .. وغالي إبـ .. غلاة الروح لا واكثر اشويه
فاتن ...
بنات شكد شفت عدن .. وفاتن لكن منضرج يسحر .. وفاتن اذا جبنه الحسن كله .. وفاتن أكيد لفاتنتنه الأغلبيه
فارس ...
وفي ومتاكد بفارس .. وفاه رس غايض بالوفة العاذل .. وفارس اسم وعالمسمى صدك .. فارس أصيل ومرجلة وكله حميه
فرح ...
كلبي من سمع صوتج .. فرح بي وقبلج عمري ما شايف .. قرح بي احب الكون لن انتي .. فرح بي ومنيتي ابدنيتي اتصيرين اليه
فرحان ...
نه بجيتك تره امسلطن .. وفرحان ومهجتي وروحي هم طربن .. وفرحان جنت باحزاني أنا غارك .. وفرحان اجاني ورجع الضحكات اليه
قاسم ...
أنه الما ظالم أحد .. قاسي مانه وكلبي لليودني .. قاسم آنه واذا ما سامع اسمع .. قاسم آنه انضربت بالسماحة امثال بيه
كاظم ...
لازم نفسي كوة الغيض .. كاظم امنشوفك تحجي ويه الغير .. كاظم يهزني بأغنية (مشتاك) .. كاظم واذااسمعهه شوكي ايفيض بيه
كريمة ...
يل للكيك خدينج .. كريمه أصيلة وراكزة وطيبة .. وكريمة ورهيفة وزاهية اتخبل .. كريمة كريمة وبكرمهه حاتميه
لينا ...
أحبهه بقسوة العاشك .. ولينه لأن لينا جزء منه .. ولينه يوم المنى لو آني .. ولينا نهيم وننجمع بالحبسويه
مالك ...
مهرب من محبتي ، تعيش .. مالك اشتاقك ولا فد يوم .. مالك تدري شكثر آني اهواك .. مالك بكبر هالكون ضربه بتسعميه
مرام ...
سهم واحد عليج آنه .. مرامي يلي احضانج وحبج .. مرامي مثلج ما شفت صدكي .. مرامي وأبد ما مرت اوصافج عليه
مروة ...
وحق الصفا البكمة .. ومروة فراكج ضيم لا حنظل .. وأمر وَ أحس الروح تتركني .. ومروة اذا ضحكتلي روحي ترد اليه
مريم ...
بعدج لا فرح بينه .. يمر يوم ويمج ماظن بعمري .. يمر يوم أموت بنظرة اعيونج .. يمريوم يمنة من السمة واروع هديه
مسعود ...
يطك وايورد ان لامس ... ومس عود ويهنياله الحضة بحبه .. ومسعود اذا يوم الحزن مسني .. ومسعود ألفض اسمه ميظل حزن بيه
منى ...
وصلج يا منى همنة .. منانه واهيم وذايب بحبج .. منانه أناطر راح وانتظرج .. منانة لآخر يوم وآخر نفسبيه
ميثاق ...
أسولف محد ايصدك .. وميثاق واكلهم حبنه يجمعنه .. وميثاق مثل روح وجسد صاير .. وميثاق واذا مسني الألم تبجيلي هيه
ميعاد ...
تحلل جسمي لترابه .. ومي عاد لأن خلفت عهد هيه .. وميعاد ورغم كل هذا اسامحهه .. وميعاد رزاياهه كرم منهه عليه
نور ...
وجهج نور يا حلوة .. على نور وبيت البيه صرتي انتي .. علاه نور كلبي ايطير وايرفرف .. على نور لأن نور الكلب والروح هيه
هاجر ...
وين تهاجر اني اغبش .. واهاجر لان ما اطيق اعيشن دون .. هاجر ها عتهه العشك والشوك .. ها جر عافت كلشي هاجر جتي اليه
هادي ...
الك هالروح واهبهه .. وهادي كلبك ربي الي اميسره .. وهادي جميلة هواي عشرتنه .. وهادي لأن هادي ملاك ايموت بيه
هالة ...
جمالج ضجة سوالي .. وهالة البعض عالراس جاب اتراب .. هالة سحرهه فعلاً ايجنن .. وهالة ملامح عدهه روعة وعالمية
الهام ...
عيونج مصدر اشعاري .. والالهام واعشكج من ثرى اجدامج .. الى الهام انا للالهام يا عالم .. والي الهام وأبد ما أنطي بيهه وتنطي بيه
هبة ...
الناس لربهه تنطيه .. وهبلهه ونطيت الروح وكليبي .. هبة الهه سحر سحرتنني صدكوني .. هبة الهه نظرة عين تحيي من المنيه
هدى ...
لدرب العشك بس حسنج .. هداني وسعد وافراح بس حضنج .. هداني أموت بنضرة اعيونج .. هدى آني يا أغلة وأعز انسانة اليه
هند ...
تحيي الموتة لو يمهم .. تمر هند حلوة هواي ما ظنها .. تمر هند خليط اعناب وافواكه .. تمر هند وطعم بشفافهه ايسكر البريه
هيام ...
يزيد بكل دقيقة الهه .. هيامي ملاك وبالحسن آيه .. هيامي حارو نار (هيومة) .. هيا مي ولا عرفو ثلج وي نار هيه
هيفاء ...
يريت البخت يجمعني .. وهيفاء رشيقة طول مزيونة .. وهيفاء أليسا اتروحلج فدوة .. وهيفاء واصالة ونانسي ودالي سويه
وداد ...
ابد متلوك خوية النه .. ودادة يل شما بيه كلبي الكم .. وداده وداد انتي ترة لكلبي .. وداده وانتي الروح وانتي النفس بيه
وسام ...
رقيق وعالية اخلاقه .. وسامي وجميل وتكتل اعيونه .. وسامي أسامي هواي مرتني .. واسامي وبس اسمك وسام اللعب بيه
وهاب ...
أخاف هواي من حسنه .. واهابه لان متفنن برسمه .. وهابه كلبي ايريد واينادي .. وهابه ووهاب هواي متكبر عليه

ربي يعجبكم الموضوع
تحياااتي الكم

» تعالو شوفو العضو نسيت انساك نور هههههههههههههه