شعر حزين جدا

موميت عدل واكبالي اشوفك دوم


واتامل رحيم الـ غيبتك رجعه


ماصدك غفل يابوية عني تروح


مستعجل تريد فراكنه بسرع



كدامي القلم كل ساعه اشمن بيه


بلكي علقلم نيشان من صبعه


وشكد ذكريات مخلي علـ ورق


وحجايات حلوه ابالي متجمعه


نقره بدفترك حد ماتطيح عيون


والبوم الصور نشتاق ونطلعه


عيني علـ درب من ربعك ايردون


اكولن بلكي اشوفن جاي وي ربعه


ويطول انتظاري او وكفتي علـ باب


عين اتاني تبقى وعين بالدمعه
شريد انسه يمه منيلي النسيان


هو الجرف ينسه الماي ويودعه


يابوية العراقيه تسولف بيك


لمن تذكر اسمك كلبي اتكطعه


تبقه عيوني تربي مكابله الشاشات


بلكت صورتك لو صوتك تسمعه


ظلمه ليل صارت دنيتي بلياك


يلـ حاروك حياتك للوطن شمعه


انته وكل شهيد والطاح وفه الكاع


ياسيف العراق او مهرته ودرعه


اقنع روحي يمكن لو كلت انساك


بس كلبي الدفنته وياك شيقنعه






[وحدهم المديرون لديهم صلاحيات معاينة هذه الصورة]

جميل ورائع عاشت ايدج

يسلمو نورتوا الموضوع


[وحدهم المديرون لديهم صلاحيات معاينة هذه الصورة]

الله عاشت الايادي على هل الشعر
تسلمين يا مبدعة والله يخلينة اياج

الله يسلمك

شكرا على هذا المرور الجميل

راح اطلق سراحـــــــــك بعد ما مجبور
اسمعك بالسكوت اتصيــــــــح سجاني
وافل منك قضيتي وشعــري المصلوب
من اسنين .. صـــــار أبخشبة الساني
بعد ما اريـــــــــد اظلمك تعبتني اهواي
اريد افـــــــــــراج اطلعك حتى تنساني
انطيتك حكم بالحب فــــــــــــلا موجود
وقاضيتك عشگ من طيــــب وجداني
سجنك مو سجن زاويرا ..
سجنك عين ضميتك دمع لو هاجــــــــــــت احزاني
افتحتلك باب گلبي ... يله علّي وطيــر
ولو جنحك گصيــــــــر انطيك جنحاني
بس رايـــــــــــد اذكرك من چنت وياي
من اقرالك قصيـــــــــده وبيهه تقراني
چنت بيهه من اشوفك انته كلي تصيـر
وچنت لمّن تصدلي اتصيــــــر عنواني
وچنت سيف انته بيدي اتزامط اليحچون
لو مــرّه الزمـــــــــــــــــان وياك عاداني
اذكرك بيــــــــش اذكرك والسوالف ليل
ذب شـــــــــوكة ظلامه بعيني واعماني
وتعرف لو رحت واعيـــون دربك خوف
گدامك شمـــــــــــــــــع محروگ تلگاني
وأنه بوحشــــــــــة عذابك غيّمت نيران
طيــــــــــــــر وهفـّـه بين اسماك دخاني
اتعلعل خلـّصت والروح جــــــدّت موت
وانته المــــــــــــــــوت أنته وأنته دفاني

الله الله
عاشت ايدك قصيدة جميلة جدا